AÝA RAIY: Búgin elimizdiń basym bóliginde jel kúsheıip, keı jerlerde kóktaıǵaq bolady
ASTANA. QazAqparat - Búgin Qazaqstannyń kóptegen aımaqtary arqyly frontaldy bólikterdiń ótýine baılanysty keı jerlerde jaýyn-shashyn saqtalady. Keı jerlerde tuman, kóktaıǵaq, burqasyn bolyp, jel kúsheıedi. Tek Respýblıkanyń ońtústik-batysynda, ońtústik jáne ońtústik-shyǵysynda aýa raýy jaýyn-shashynsyz bolady.
Bul týraly QR ІІM TJK baspasóz qyzmeti habarlady.
Aqmola, Soltústik Qazaqstan, Qostanaı oblystarynyń keı jerlerinde túnde jeldiń jyldamdyǵy 15-20 m/s, kúndiz 15-20 m/s bolyp, ekpini 23-28 m/s-ǵa deıin kúsheıedi, keı jerlerinde burqasyn, kóktaıǵaq, tuman kútiledi.
Jambyl, Ońtústik Qazaqstan, Atyraý, Batys Qazaqstan, Mańǵystaý, Pavlodar oblystarynyń keı jerlerinde tuman túsip, jel 15-20 m/s-ǵa deıin kúsheıedi.
Aqtóbe, Qaraǵandy oblystarynyń keı jerlerinde tuman bolyp, jel 15-20 m/s-ǵa deıin kúsheıedi, Aqtóbe oblysynyń keı jerlerinde kóktaıǵaq bolady.
Almaty oblysynyń keı jerlerinde tuman kútilip, Jalańashkól aımaǵynda jel 18-23 m/s-ǵa deıin kúsheıedi.
