AÝA RAIY: Búgin elimizdiń basym bóliginde jel kúsheıedi, keı jerlerde qar aralas jańbyr jaýady
ASTANA. QazAqparat - Búgin Qazaqstan aýmaǵynyń kóptegen bólikteri arqyly atmosferalyq frontaldy bólikterdiń ótýine baılanysty keı jerlerde jaýyn-shashyn saqtalady, qar aralas jaýyn jaýady; jel kúsheıip, tuman, kóktaıǵaq bolady; tek respýblıkanyń batysynda jaýyn-shashynsyz aýa raıy saqtalady.
Bul týraly QR ІІM TJK baspasóz qyzmeti habarlady.
Aqmola oblysynda jeldiń kúshi 15-20, ekpini 25 m/s-ǵa deıin kúsheıýi kútiledi, keı jerlerinde jaıaý burqasyn, kóktaıǵaq bolady.
Túnde Soltústik Qazaqstan oblysynyń basym bóliginde jeldiń kúshi 15-20, ekpini 23 m/s-ǵa deıin jetedi, kúndiz jeldiń kúshi 15-20 m/s bolyp, keı jerlerinde burqasyn turyp, kóktaıǵaq bolady.
Pavlodar oblysynda jeldiń kúshi 15-20, ekpini 25 m/s bolady.
Jambyl oblysynda tuman túsip, jeldiń kúshi 15-20, túnde ekpini 23 m/s bolady.
Ońtústik Qazaqstan oblysynyń keı jerlerine tuman túsedi, jeldiń kúshi 15-20, túnde ekpini 23 m/s bolady.
Almaty, Shyǵys Qazaqstan oblystarynyń keı jerlerinde jel 15-23 m/s-ǵa deıin kúsheıedi.
Qaraǵandy oblysynyń keı jerlerinde tuman, kóktaıǵaq bolyp, jel 17-22 m/s-ǵa deıin kúsheıedi.
Qostanaı, túnde Aqtóbe oblystarynyń keı jerlerinde jel 15-22 m/s-ǵa deıin kúsheıip, burqasyn bolady.
Qyzylorda, Batys Qazaqstan oblystarynyń keı jerlerine tuman túsedi.
