AÝA RAIY: Búgin elimizdiń basym bóliginde jańbyr jaýady, naızaǵaı oınap, jel kúsheıedi
ASTANA. QazAqparat - Búgin atmosferalyq frontaldy bólikterdiń ótýine baılanysty respýblıkamyzdyń basym bóliginde jańbyr jaýady, naızaǵaı bolyp, jel kúsheıedi, keı jerlerinde burshaq jaýýy yqtımal. Tek batysta jáne soltústik-batysta jaýyn-shashynsyz aýa raıy saqtalady.
Bul týraly QR ІІM TJK baspasóz qyzmeti habarlady.
Almaty, Jambyl oblystarynyń keı jerlerinde jeldiń jyldamdyǵy 17-22 m/s-ǵa deıin kúsheıýi kútiledi.
Soltústik Qazaqstan, Pavlodar, Qaraǵandy oblystarynda túnde jáne táńerteń keı jerlerinde tuman bolady, jeldiń jyldamdyǵy 15-20 m/s-ǵa deıin kúsheıýi kútiledi.
Aqmola oblysynyń keı jerlerinde túman bolady, jel 15-20 m/s-ǵa kúsheıedi, burshaq bolýy yqtımal.
Kúndiz Shyǵys Qazaqstan oblysynda jeldiń jyldamdyǵy 15-20 m/s-ǵa deıin kúsheıýi kútiledi, burshaq jaýýy yqtımal.
Túnde jáne táńerteń Ońtústik Qazaqstan oblysynda jeldiń jyldamdyǵy 15-20 m/s-ǵa deıin kúsheıýi kútiledi.
Qostanaı oblysynyń keı jerlerinde túnde jáne táńerteń tuman bolady.
Almaty, Mańǵystaý, Atyraý, Batys Qazaqstan oblystarynda, Aqtóbe, Qostanaı, Qaraǵandy oblystarynyń keı jerlerinde qatty ystyq kútiledi.
Qyzylorda, Ońtústik Qazaqstan oblystarynda, Jambyl, Qaraǵandy, Atyraý, Batys Qazaqstan, Aqtóbe oblystarynyń keı jerlerinde óte joǵary órt qaýpi saqtalady.
