Aýa raıy: Búgin elimizdiń basym aımaǵynda burqasyn bolady
ASTANA. QazAqparat - Qazaqstannyń basym bóliginde atmosferalyq aǵymardyń ótýine baılanysty burynǵysynsha aýa raıy turaqsyz bolady jáne qar jaýýy da múmkin, dep habarlaıdy ІІM TJ komıtetiniń baspasóz qyzmeti.
Keı jerlerde tuman túsip, kóktaıǵaq bolyp, jel kúsheıedi. Aqmola, Pavlodar, Qaraǵandy, Qostanaı oblystarynyń keı jerlerinde jeldiń kúshi sekýndyna 15-20 metrge jetedi. Jambyl oblysynyń birqatar aımaqtarynda tuman túsip, jel sekýndyna 15-20 metr jyldamdyqpen soǵady, keı jerlerde ol 23 metrge deıin jetýi múmkin.
Shyǵys Qazaqstan oblysynyń keıbir jerlerinde tómennen burqasyn soǵyp, tuman túsip, kóktaıǵaq bolyp, jeldiń kúshi sekýndyna 15-20 metrge jetedi, arasynda 25 metrge jetetin kezderi bolady.
Soltústik Qazaqstan oblysynda keı jerlerde tuman túsip, burqasyndatyp, jeldiń kúshi sekýndyna 15-20 metr bolady.
Qyzylorda oblysynda tuman túsip, kóktaıǵaq bolady. Ońtústik Qazaqstan oblysynyń keı jerlerinde tuman túsip, túnde jáne kúndiz jeldiń kúshi 15-20 metr-sekýndqa deıin kúsheıedi.
Mańǵystaý oblysynda keı jerlerde kóktaıǵaq bolyp, kúndiz tómennen burqasyn soǵady. Aqtóbe oblysynda keı jerlerde kóktaıǵaq bolady. Almaty oblysynyń Jalańashkól aýdany aımaǵynda jel sekýndyna 20-25 metrge deıin kúsheıedi, keı jerlerde jeldiń kúshi sekýndyna 30 metrge deıin jetýi múmkin. Keı aımaqtarda tuman túsedi.
