Aýa raıy: Búgin elimizdiń basym aýmaǵynda qar jaýady
ASTANA. KAZINFORM - Qazaqstannyń basym aýmaǵynda aýa raıy turaqsyz bolady, atmosferalyq aǵymdardyń ótýine baılanysty qar jaýady, dep habarlaıdy «Qazgıdromet» RMK.
Keı jerlerge tuman túsip, kóktaıǵaq bolyp, jel kúsheıedi. Ońtústikte, ońtústik-shyǵysta, ortalyq pen soltústik batysta turaqty bolady. Aqmola, Qostanaı oblystarynda burqasyn bolyp, tuman túsip, jel 15-20 metr/sekýndqa deıin kúsheıedi.
Almaty oblysynda túnde keı jerlerde tuman túsip, jeldiń kúshi 15-20 metr/sekýndqa jetedi. Jambyl oblysynda kúndiz jel sekýndyna 15-20 metr bolady. Ońtústik Qazaqstan, Qyzylorda, Qaraǵandy oblystarynda tuman túsip, Ońtústik Qazaqstan oblysynda kúndiz keı jerlerde jel 15-20 metr/sekýndqa deıin kúsheıedi.
Mańǵystaý oblysynda túnde jeldiń kúshi 15-20 metr/sekýndqa kúsheıedi. Soltústik Qazaqstan, Shyǵys Qazaqstan, Pavlodar oblystarynyń birqatar aımaqtarynda burqasyn bolyp, jel kúsheıedi. Shyǵys Qazaqstan oblysynda kúndiz jeldiń kúshi sekýndyna 15-20 metrge deıin jetedi.
Aıta keteıik, osyǵan deıin «Qazgıdromet» sınoptıkteri 25 jeltoqsan kúni aýa temperatýrasynyń kúrt tómendeıtini týraly eskertý jarııalady. Shyǵys Qazaqstan jáne Qaraǵandy oblystarynda aýa temperatýrasy 33-38 gardýsqa deıin tómendeýi múmkin. Buǵan qosa, Ońtústik Qazaqstan, Jambyl, Almaty oblystarynda aıaz 20-25 gradýsqa deıin tómendeıdi.
