AÝA RAIY: Búgin eldiń ońtústik óńirlerinde kún qatty ysıdy, soltústikte jaýyn-shashyn saqtalady
ASTANA. QazAqparat - Búgin atmosferalyq frontaldy bólikterdiń ótýine baılanysty respýblıkanyń basym bóliginde jańbyr jaýady, naızaǵaı oınaıdy, eldiń soltústiginde jáne shyǵysynda keı jerlerde tuman kútiledi, burshaq jaýýy yqtımal. Keı jerlerde jel kúsheıýi kútiledi. Tek respýblıkamyzdyń batysynda jáne ońtústiginde aýa raıy jaýyn- shashynsyz bolady.
Bul týraly QR ІІM TJK baspasóz qyzmeti habarlaıdy.
Pavlodar, Shyǵys Qazaqstan, Qostanaı, kúndiz Jambyl, Qyzylorda, Mańǵystaý oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
Qostanaı, Pavlodar, kúndiz Shyǵys Qazaqstan oblystarynda burshaq jaýýy yqtımal.
Aqmola, Soltústik Qazaqstan oblystarynyń keı jerlerinde tuman kútiledi, jeldiń jyldamdyǵy 15-20 m/s-ǵa deıin kúsheıedi, keı jerlerinde burshaq jaýýy yqtımal.
Almaty oblysynda, Ońtústik Qazaqstan, Mańǵystaý, Qaraǵandy oblystarynyń keı jerlerinde qatty ystyq kútiledi. Atyraý oblysynda, Qyzylorda oblysynyń keı jerlerinde óte joǵary órt qaýpi saqtalady.
