Aýa raıy: Búgin eldiń basym bóliginde jel kúsheıip, jańbyr jaýady
NUR-SULTAN. QazAqparat - Qazaqstannyń basym bóliginde frontaldi bólikterdiń ótýine baılanysty aýa raıy qubylmaly bolady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan málimetterge qaraǵanda, elimizdiń keıbir aýmaqtarynda naızaǵaı oınap, jańbyr jaýady. Soltústik-batystyń keı jerlerinde mol kólemde jańbyr jaýady. Ońtústikte, ońtústik-shyǵysta, ońtústik-batysta, ortalyqta jáne shyǵysta kún jaýyn-shashynsyz bolady. Respýblıkanyń keı jerlerinde tuman túsip, jel kúsheıip, daýyl turady, burshaq jaýýy yqtımal.
Aqtóbe oblysynda jeldiń jyldamdyǵy sekýndyna 15-20 metrge jetip, ekpini 23-28 m/s bolady. Kúndiz 15-20, keı jerlerde 23-28 m/s, ekpini 30 m/s jáne odan joǵary bolýy yqtımal.
Qostanaı oblysynyń keı jerlerinde burshaq jaýý múmkin, túnde jeldiń qarqyny 15-20 m/s, kúndiz 15-20, keı jerlerde 23-28 m/s, ekpini 30 m/s jáne odan joǵary bolýy múmkin degen boljam bar.
Aqmola, Soltústik Qazaqstan oblystarynyń keı jerlerinde túnde jel sekýndyna 15-20 metr, kúndiz 15-20, keı jerlerde 23-28 metrge deıin jyldamdyqpen uıtqýy yqtımal.
Soltústik Qazaqstan oblysynyń keı jerlerinde daýyl turyp, burshaq jaýýy yqtımal.
Batys Qazaqstan oblysynyń keı jerlerinde daýyl turady, basym bóliginde jeldiń jyldamdyǵy 15-20 m/s bolyp, keı jerlerinde 23-28 m/s-qa deıin kúsheıedi.
Shyǵys Qazaqstan, Jambyl, Atyraý, Almaty, kúndiz Pavlodar, Qaraǵandy, Qyzylorda oblystarynyń keı jerlerinde jeldiń kúshi sekýndyna 15-20 metrge jetedi. Jambyl, Shyǵys Qazaqstan oblystarynyń keı jerlerinde tuman túsýi múmkin.
Mańǵystaý oblysynyń birqatar aýmaqtarynda da tuman bolady.
Qyzylorda, Túrkistan oblystarynda, Jambyl, Karaǵandy oblystarynyń keı jerlerinde, Aqtóbe, Atyraý, Batys Qazaqstan, Shyǵys Qazaqstan oblystarynyń jekelegen aýdandarynda órt qaýipi saqtalady.
