Aýa raıy: Búgin 4 óńirde aptap ystyq bolady
NUR-SULTAN. QazAqparat - Sınoptıkter 25 tamyzǵa arnalǵan aýa raıy boljamyn jarııalady, dep habarlaıdy QazAqparat Qazgıdrometke silteme jasap.
Respýblıkanyń basym bóligi antıtsıklon yqpalynda bolady, Qazaqstannyń tek batys aýmaqtarynda atmosferalyq fronttardyń ótýine baılanysty naızaǵaı jarqyldap, jańbyr jaýady. Keı jerlerde jel kúsheıedi. Soltústik jáne ortalyqtyń keı jerlerine tuman túsedi.
Kúndiz Atyraý oblysynyń keı jerlerinde kún kúrkirep, daýyl turady. Jel ekpini 15-20 m/s bolady.
Kúndiz Qyzylorda oblysynyń keı jerlerinde jel jyldamdyǵy sekýndyna 15-20 metrge jetedi. Shańdy daýyl soǵady.
Qostanaı oblysnyń keı jerlerinde naızaǵaı oınap, tuman túsedi. Pavlodar, Batys Qazaqstan oblysynyń keı jerlerinde kún kúrkireıdi.
Qaraǵandy, Soltústik Qazaqstan, Shyǵys Qazaqstan oblystarynda tuman túsedi.
Atyraý, Aqtóbe, Mańǵystaý, Batys Qazaqstan obylstarynyń keı jerlerinde aptap ystyq bolady.
Qyzylorda, Túrkistan oblystarynda, Jambyl oblysynyń basym bóliginde, Qaraǵandy oblysynyń keı jerlerinde, Aqtóbe oblysynyń ońtústik bóliginde jáne Atyraý oblysynyń jekelegen aýdandarynda óte joǵary órt qaýpi saqtalady.
