Aýa raıy boljamy: Seısenbide eldiń basym bóliginde jaýyn jaýady
ASTANA. QazAqparat - Atmosferalyq frontaldy bólikterdiń ótýine baılanysty Qazaqstannyń basym bóliginde jańbyr, qar jaýady. Eldiń batysy men ońtústiginiń keıbir aımaqtarynda jaýyn-shashyn bolmaıdy. Keı jerlerge tuman túsip, kóktaıǵaq bolady, jel kúsheıip, ońtústikte kún kúrkireıdi, dep habarlaıdy QazAqparat «Qazgıdromet» RMK-nyń málimetterine súıene otyryp.
Aqmola, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı jerlerinde tuman túsip, kóktaıǵaq bolyp, jel sekýndyna 15-20 metrge deıin kúsheıedi.
Shyǵys Qazaqstan oblysynda jeldiń ekpini sekýndyna 25 metrge deıin barady. Qyzylorda, túnde Almaty oblysynyń keı jerlerinde sekýndyna 15-20 metr jyldamdyqpen jel soǵady.
Ońtústik Qazaqstan, Qostanaı oblystarynyń keı bólikterinde tuman túsip, jeldiń jyldamdyǵy sekýndyna 15-20 metr bolady.
Jambyl oblysynyń birqatar aımaqtarynda tuman túsip, tań ata jáne kúndiz kún kúrkirep, burshaq jaýýy yqtımal. Kúndiz keı jerlerde jel sekýndyna 15-20 metr jyldamyqpen uıtqıdy.
Mańǵystaý, Batys Qazaqstan oblystarynyń birqatar aımaqtaryna tuman túsedi.
Ońtústik Qazaqstan oblysynda túnde keı jerlerde 1 radýs úsik júredi.
