AÝA RAIY: BQO men Aqtóbe oblysynda eskertý jarııalandy
NUR-SULTAN. QazAqparat – Batys Qazaqstan oblysy men Aqtóbe oblysynda aýa raıynyń kúrt qubylýyna baılanysty eskertý jarııalandy, dep habarlaıdy Qazgıdromet.
«27 shildede Batys Qazaqstan oblysynyń keı jerlerinde qatty jańbyr jaýyp, naızaǵaı oınap, daýyl soǵady jáne burshaq jaýady. Soltústik-batystan soǵatyn jeldiń kúshi 15-20 m/s-ǵa jetedi. Oral qalasynda 27 shildede naızaǵaı oınap, daýyl turady, burshaq jaýady. Soltústik-batystan soǵatyn jeldiń ekpini 18 m/s-ǵa jetedi» delingen habarlamada.
Sondaı-aq, 27 shildede Aqtóbe oblysynyń keı jerlerinde naızaǵaı oınaıdy. Ońtústik-shyǵystan, ońtústikten jel soǵady, keı jerlerinde jyldamdyǵy 18 m/s-ǵa jetedi.
Aqtóbe qalasynda 27 shildede ońtústik-shyǵystan, ońtústikten jel soǵady, ekpini 15 m/s bolady.
