Aýa raıy: BQO-da eskertý jarııalandy
ORAL. QazAqparat - Batys Qazaqstan oblysynda jeldiń kúsheıetini jóninde eskertý jarııalandy, dep habarlaıdy QazAqparat tilshisi.
Óńirde 27 jeltoqsan kúni jeldiń jyldamdyǵy sekýndyna 17-22 metrge deıin jetedi. Kún jaýyn-shashyndy bolyp, boran soǵyp, tuman túsedi, kóktaıǵaq bolady.
Osyǵan baılanysty BQO TJ departamenti turǵyndar arasynda tótenshe jaǵdaılardy boldyrmaý maqsatynda SMS-habarlamalar jiberýde. Táýlik boıy kezekshilik uıymdastyrylyp, ómirlik mańyzy zor nysandardyń qalypty qyzmetin qamtamasyz etý baǵytynda sharalar qolǵa alynýda.
BQO TJ departamenti, sondaı-aq kóktaıǵaqqa baılanysty jergilikti saǵat 16.00-den bastap respýblıkalyq mańyzy bar "Oral-Tasqala-RF shekarasy" jolynyń jabylǵandyǵyn jetkizdi.
Óńirde sońǵy kúnderi burqasyn kóterilip, ásirese, jolǵa shyqqandardyń jaǵdaıy qıyndaı túsýde. Bul jóninde aýdan-aýyldardan vatsap arqyly habarlar kelip jatyr.
Eske sala keteıik, budan buryn BQO-da aýa raıyna baılanysty eskertý jarııalanǵanyn jazǵan bolatynbyz.
