Aýa raıy: Beısenbide keı óńirlerde jańbyr jaýyp, jel kúsheıip, tuman túsedi
NUR-SULTAN. QazAqparat – Beısenbi kúni elimizdiń keı bóliginde jańbyr jaýyp, naızaǵaı jarqyldaıdy, jel kúsheıip, tuman túsýi múmkin, dep habarlaıdy QazAqparat Qazgıdrometke silteme jasap.
29 sáýirde Qazaqstan aýmaǵynyń basym bóligindegi aýa raıyn Ońtústik tsıklony jáne onymen baılanysqan atmosferalyq frontaldy bólikter anyqtaıdy. Osyǵan baılanysty keı jerlerde jańbyr jaýyp, naızaǵaı jarqyldaıdy. Tek batysta, ońtústikte jáne ońtústik-shyǵysta antıtsıklon jotalary áserinen jaýyn-shashynsyz aýa raıy saqtalady. Elimizdiń keı jerlerinde jel kúsheıip, ońtústikte shańdy daýyl soǵady, soltústik-batysta tuman túsýi múmkin.
Shyǵys Qazaqstan, Qostanaı oblystarynyń keı jerlerinde jel 15-20 m/s kúsheıip, Qostanaı oblysynda tuman túsýi yqtımal.
Soltústik Qazaqstan, Pavlodar oblystarynyń keı jerlerinde kúndiz jel 15-20 m/s kúsheıedi, Soltústik Qazaqstan oblysynda táýlik boıy, túnde Pavlodar oblysynyń keı jerlerinde tuman túsedi.
Kúndiz Aqmola, Túrkistan, Jambyl, Qyzylorda, Qaraǵandy oblystarynyń keı jerlerinde jel 15-20 m/s kúsheıedi, Túrkistan oblysynda shańdy daýyl soǵady.
Almaty oblysynyń Jalańashkól aýdanynda jel 15-20 m/s kúsheıedi.
Aqtóbe oblysynyń keı jerlerinde túnde jáne tańerteń tuman túsýi múmkin.
