Aýa raıy: Batys Qazaqstanda eskertý jarııalandy
ORAL. QazAqparat - «Qazgıdromet» RMK BQO fılıalynyń málimeti boıynsha 30-31 qazan jáne 1 qarasha kúnderi óńirdiń keı jerlerinde ońtústik-shyǵystan, ońtústikten soǵatyn jeldiń jyldamdyǵy sekýndyna 15-20 metrge jetýi yqtımal, dep habarlaıdy «QazAqparat» tilshisi.
Oǵan qosa 1 qarashada jeldiń ekpini sekýndyna 23 metrge jetýi múmkin. Oblys ortalyǵy Oral qalasynda da osyndaı aýa raıy oryn almaq.
Osyǵan oraı BQO TJ departamenti eskertý jarııalady. Turǵyndar arasynda tótenshe jaǵdaılarǵa jol bermeý, ómirlik mańyzy zor nysandar men elektr, baılanys jelileriniń úzdiksiz jumysyn qamtamasyz etý maqsatynda tıisti sharalar qolǵa alynýda.
