Aýa raıy: Astana men elimizdiń úsh óńirinde eskertý jarııalandy
ASTANA. QazAqparat - Astanada jáne elimizdiń úsh aımaǵynda aýa raıynyń buzylýyna qatysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, 27 sáýir kúni Aqmola oblysynda túnde 15-20 m/s jyldamdyqpen jel soǵady, kúndiz 15-20 m/s jyldamdyqpen, onyń ekpini 25 m/s jetýi yqtımal. Kún kúrkirep, naızaǵaı oınaıdy.
Astanada 27 sáýirde tańerteń jáne tústen keıin ońtústikten, ońtústik-batystan 15-20 m/s jyldamdyqta jel turady. Daýyldyń yqtımaldyǵy 90-95%.
27 sáýir kúni Qostanaı oblysynda túnde - 15-20 m/s, kúndiz 25 m/s kúshpen jel soǵady. Keı jerlerde naızaǵaı oınap, tuman túsedi.
27 sáýir kúni tústen keıin Soltústik Qazaqstan oblysynda ońtústikten, ońtústik-batystan 15-20 m/s jel turady, keı jerlerde onyń ekpini 25 m/s jetedi.
Petropavlda 27 sáýir kúniniń ekinshi jartysynda ońtústik jáne ońtústik-batystan 15-20 m/s jyldamdyqpen jel soǵatyny kútiledi.
