Aýa raıy: alty óńirde eskertý jarııalandy
ASTANA. QazAqparat - Aýa raıynyń qolaısyzdyǵyna baılanysty elimizdiń alty óǵirinde eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, 3-4 karasha kúnderi Ońtústik Qazaqstan, Jambyl oblystarynda jańbyr jaýady. Taýly aýmaqtarda nóserli jaýyn-shashyn kútiledi (jańbyrdyń sońy qarǵa aýysady). 3 karashada ońtústik-batystan soqqan jeldiń ekpini - 15-20, keı jerlerde - 23-28, al Jambyl oblysynyń ońtústik-batysynda 30 m/s deıin kúsheıedi. Keı jerlerde naızaǵaı oınap, burshaq bolýy múmkin. Kúndiz 3 karasha kúni aýa temperatýrasy +10+15, keı jerlerde +7 gradýsqa deıin tómendeıdi. Dabyldy eskertýdiń yqtımaldylyǵy - 80-85 %.
3 qarasha kúni Qostanaı oblysynyń keı jerlerin tuman basyp, 15-20 m/s ekpinde jel turady.
Juma kúni Qyzylorda oblysynyń jekelegen aýmaqtarynda batystan 15-20 m/s jyldamdyqta jel soǵady, 3-5 qarasha kúnderi keı jerlerde tuman kútiledi.
3 qarashada Shyǵys Qazaqstan oblysynda 15-20 m/s jyldamdyqpen soqqan jeldiń ekpini 23-28 m/s-qa kúsheıedi.
Osy kúni Atyraý oblysynda ońtústik-batystan jel soǵyp, onyń kúshi 15-20 m/s jetetini kútiledi. 15-20 m/s ekpindegi jel Atyraý qalasynda da boljanady.
