Aýa raıy: Almatyda jaqyn kúnderi qar jaýyp, kún jylıdy
ALMATY. QazAqparat - Almatyda jaqyn kúnderi qar jaýyp, aýa temperatýrasy kóterilýi yqtımal. Bul týraly «Qazgıdromet» RMK aýa raıyn boljaýshy mamandary aıtty, dep habarlaıdy QazAqparat tilshisi.
Mamandardyń aıtýynsha, 12-14 aqpan aralyǵynda qalada qar aralas jaýyn jaýady. Aýa temperatýrasy +3 +5 gradýs aralyǵynda saqtalady. Oblys aımaǵynda tuman, kóktaıǵaq bolyp, jel jyldamdyǵy 17-22 m/s kórsetkishine jetýi múmkin.
«Temperatýra qalypty kórsetkishke keldi. Soltústik-shyǵys troposferalyq aǵyny soqqan kezde, ýaqytsha kún sýyǵan edi. Sondyqtan, aldaǵy ýaqyttaǵy úsh táýlikte Qazaqstandaǵy aýa temperatýrasy klımattyq kórsetkishterge jaqyn bolady. Sondyqtan, ońtústikte tsıklon jaýyn shashyn ákelip, temperatýrany jylytady. Al Qazaqstannyń basqa aımaǵynda jaýyn-shashyn bolmaıdy», - delingen sınoptıkterdiń boljamynda.
Aıta ketý kerek, keshe Almatyda keshke jaýyn bastalyp, arty qarǵa ulasty.
Túnde aýa temperatýrasynyń tómendeýine baılanysty kóktaıǵaq boldy. Jaýǵan qardy tazalaýǵa 860 tehnıka men 1320 jumysshy jumyldyryldy.
