Aýa raıy: Aldaǵy úsh kún jaýyn-shashyndy bolady
NUR-SULTAN. QazAqparat – Sınoptıkter 7-9 sáýirge arnalǵan aýa raıy boljamyn jarııalady, dep habarlaıdy QazAqparat Qazgıdrometke silteme jasap.
«Alǵash eki kúnde Qazaqstan aýmaǵynyń basym bóligi tereń Atlant muhıty aýmaǵynan keletin tsıklonnyń yqpalynda bolady, sonyń áserinen kún kúrkirep, kóp jaýyn-shashyn túsedi, ekpindi jel kútiledi, respýblıkanyń ońtústiginde burshaq jaýýy yqtımal. Al 9 sáýirde bulttar tarap, jaýyn-shashyn tyıylady jáne aýa temperatýrasynyń tómendeýi múmkin, bul eýropalyq antıtsıklonge baılanysty bolady», delingen habarlamada.
