AÝA RAIY: Aldaǵy táýlikterde kún salqyndaıdy
ASTANA. QazAqparat - Sınoptıkter 2018 jylǵy 21-23 tamyz aralyǵyna arnalǵan aýa raıy boljamyn usynady. Aldaǵy úsh kún boıy respýblıkanyń soltústik jáne shyǵys óńirlerinde kún salqyndap, jańbyr jaýady, dep habarlaıdy QazAqparat tilshisi «Qazgıdromet» RMK-ǵa silteme jasap.
«Batys Sibir aýdandarynan kelgen salqyn aýa massalarynyń Qazaqstannyń soltústik jáne shyǵys aýdandaryna yqpaly saqtalyp qalady. Osyǵan baılanysty atalmysh merzimniń basynda bul aýdandarda aýa raıy bulty bolady, jańbyr jaýyp, ekpindi jel soǵady. Eldiń batysynda aptanyń ortasynda aýa raıy temperatýrasy tómendeıdi, al ózge óńirlerde 20-25 gradýsqa deıin kún ysıdy, keı jerlerde aýa temperatýrasy 30-35 gradýsqa jetetin bolady», delingen habarlamada.
