Aýa raıy: 8 oblystyń aýmaǵynda eskertý jarııalandy
NUR-SULTAN. QazAqparat – Senbi, 22 tamyzda aýa raıynyń qolaısyzdyǵyna baılanysty elimizdegi 8 oblystyń aýmaǵynda eskertý jarııalandy, dep habarlaıdy QazAqparat Qazgıdrometke silteme jasap.
22 tamyzda Qaraǵandy oblysynda naızaǵaı oınap, ońtústik-batystan, batystan jel soǵady. Jeldiń kúshi keı jerlerde 15-23 m/s jetedi. Oblystyń ońtústik-batysynda óte joǵary órt qaýpi saqtalady.
Senbi kúndiz Qaraǵandy qalasynda naızaǵaı oınap, ońtústik-batystan, batystan jel soǵady, ekpini 15-20 m/s jetedi.
Sol kúni Jezqazǵanda naızaǵaı oınap, ońtústik-batystan, batystan jel soǵady, kúndiz ekpini 15-20 m/s jetýi múmkin.
22 tamyzda Aqmola oblysynyń keı jerlerinde naızaǵaı oınap, tuman túsýi yqtımal. Ońtústik-batystan, batystan jel soǵady, kúndiz kúshi keı jerlerde 15-20 m/s jetedi.
Senbi tańerteń jáne kúndiz Kókshetaýda naızaǵaı oınap, túnde jáne tańerteń tuman túsýi múmkin.
22 tamyzda Soltústik Qazaqstan oblysynyń basym bóliginde jańbyr jaýady. Keı jerlerde naızaǵaı oınap, tuman túsýi múmkin.
Senbi Petropavlda kún kúrkirep, naızaǵaı jarqyldaıdy.
22 tamyzda tańerteń jáne kúndiz Qyzylorda oblysynyń soltústik-batysynda naızaǵaı jarqyldaıdy. Ońtústikten soqqan jel soltústik-batysqa aýysady, kúshi kúndiz keı jerlerde 15-20 m/s jetedi. Kúndiz tótenshe órt qaýpi saqtalady.
22 tamyzda Qostanaı oblysynyń keı jerlerinde naızaǵaı oınap, daýyl soǵady, tuman túsip, burshaq jaýýy yqtımal. Soltústik-batystan jel soǵady, kúshi keı jerlerde 15-20 m/s jetedi.
22 tamyzda kúndiz Batys Qazaqstan oblysynyń keı jerlerinde naızaǵaı oınap, burshaq jaýýy múmkin. Soltústikten soǵatyn jeldiń jyldamdyǵy 15-20 m/s jetedi.
22 tamyzda Mańǵystaý oblysynyń soltústik-batysynda túnde qatty nóser jaýýy múmkin. Keı jerlerde naızaǵaı oınap, daýyl soǵýy yqtımal. Jel soltústik-shyǵystan, soltústikten soǵady, kúshi keı jerlerde 15-20 m/s jetedi.
Sendi Aqtaýda naızaǵaı oınap, jel soltústik-shyǵystan, soltústikten soǵady, ekpini 15-20 m/s jetedi.
22 tamyzda Atyraý oblysynyń keı jerlerinde kún kúrkirep, naızaǵaı jarqyldaıdy. Kúndiz tótenshe órt qaýpi saqtalady.
