Aýa raıy: 7 mamyrda elimizdiń batysynda jańbyr jaýady
NUR-SULTAN. QazAqparat - 7 mamyrda elimizdiń batysynda atmosferalyq aǵyndardyń ótýine baılanysty jańbyr jaýady, dep habarldaıdy QazAqparat Qazgıdrometke silteme jasap.
Elimizdiń keı jerlerinde tuman túsedi, jel kúsheıedi, naızaǵaı jarqyldaıdy. Ońtústikte shańdy daýyl soǵyp, batysta burshaq jaýýy yqtımal.
Qyzylorda oblysynyń keı jerlerinde shańdy daýyl kútiledi, jel 15-20, kúndiz ekpini 25 m/s jetedi.
Batys Qazaqstan oblysynyń keı jerlerinde jel 15-20 m/s kúsheıip, burshaq jaýýy múmkin.
Atyraý, Mańǵystaý oblystarynyń keı jerlerinde tuman kútiledi, jel 15-20 m/s kúsheıedi.
Jambyl, Túrkistan oblystarynyń keı jerlerinde jel 15-20 m/s kúsheıedi, Jambyl oblysynyń keı jerlerinde tuman kútiledi.
Aqmola, Qaraǵandy oblystarynyń keı jerlerinde topyraq betinde 3 gradýsqa deıin úsik kútiledi.
