AÝA RAIY: 6 maýsymda el aýmaǵynyń basym bóliginde naızaǵaı oınap, jel turady
ASTANA. QazAqparat - Búgin Qazaqstan terrıtorııasynyń basym bóliginde atmosferalyq frontaldy bólikterdiń ótýine baılanysty keı jerlerde jańbyr jaýyp, naızaǵaı bolyp, jeldiń kúsheıýi saqtalady. Tek respýblıkanyń ońtústiginde, soltústik-batysynda jáne ortalyǵynda aýa raıy jaýyn-shashynsyz bolady.
Bul týraly QR ІІM TJK baspasóz qyzmeti habarlady.
Atyraý, túnde Almaty, kúndiz Aqmola oblystarynyń keı jerlerinde naızaǵaı bolady.
Shyǵys Qazaqstan oblysynyń keı jerlerinde naızaǵaı kútiledi, jeldiń jyldamdyǵy 15-20 m/s, burshaq jaýýy yqtımal.
Batys Qazaqstan, Aqtóbe, Soltústik Qazaqstan, Pavlodar oblystarynyń keı jerlerinde naızaǵaı bolyp, jel 15-20 m/s-ǵa deıin kúsheıedi.
Mańǵystaý oblysynyń keı jerlerinde naızaǵaı, tuman kútiledi.
Qyzylorda oblysynyń keı jerlerinde naızaǵaı bolyp, kúndiz jel 15-20 m/s-ǵa deıin kúsheıedi.
Manǵystaý, Qaraǵandy oblystarynyń keı jerlerinde óte joǵary órt qaýipi saqtalady.
