AÝA RAIY: 3 jeltoqsan kúni Qazaqstannyń soltústigi, shyǵysy men ortalyǵynda boran bolady
ASTANA. QazAqparat - 3 jeltoqsan kúni batys oblystardan basqa respýblıkanyń barlyq derlik aýmaǵynda tuman túsip, kók taıǵaq bolady. Burqasyn jel turyp, boran soǵady, dep habarlady «Qazgıdromed».
Qostanaı oblysynda, jeldiń jyldamdyǵy 15-20, keı jerlerde 23 m/s deıin kúsheıip, kók taıǵaq bolady. Pavlodar oblysynda boran, keı jerlerde kók taıǵaq, kúndiz 15-20 m/s deıin jel soǵady. Qaraǵandy oblysynda keı jerlerde boran soǵyp, tuman túsedi. Kók taıǵaq bolyp, jeldiń jyldamdyǵy 15-20 m/s deıin jetedi. Aqmola, Soltústik Qazaqstan, Shyǵys Qazaqstan oblystarynda jel kúsheıip, keı aımaqtarynda 15-23 m/s jel soǵady. Jambyl, Ońtústik Qazaqstan, Qyzylorda oblystarynda tuman túsip, kók taıǵaq bolady. Jeldiń jyldamdyǵy 15-23 m/s deıin jetedi. Mańǵystaý oblysynyń keı jerlerinde kók taıǵaq bolyp, kúndiz 15-20 m/s deıin jel soǵady. Almaty oblysynyń keı aımaqtarda 17-22 m/s deıin, Alakól aýdanynda jel 20-25 m/s deıin kúsheıedi. Aqtóbe oblysynyń keı aımaqtarynda jeldiń jyldamdyǵy 15-20 m/s deıin jetedi.
