AÝA RAIY: 2 qyrkúıekte elimizdiń batysy men shyǵysynda kún ashyq bolady
ASTANA. QazAqparat - 2 qyrkúıekte Qazaqstan terrıtorııasynyń basym bóliginde atmosferalyq fronttardyń ótýine baılanysty turaqsyz aýa raıy saqtalady, dep habarlaıdy «Qazgıdromet» RMK.
Elimizdiń keı jerlerinde jańbyr jaýyp, naızaǵaı bolady, kúndiz burshaq bolýy yqtımal, jel kúsheıedi, tek batysynda jáne shyǵysynda jaýyn-shashynsyz aýa raıy bolady. Aqmola, Qaraǵandy oblystarynda, kúndiz Jambyl oblysynyń keı jerlerinde burshaq jaýýy yqtımal, jel 15-22 m/s kúsheıedi. Ońtústik Qazaqstan, Qyzylorda, Qostanaı, Pavlodar oblystarynda, túnde Mańǵystaý oblysynda, kúndiz Batys Qazaqstan, Shyǵys Qazaqstan oblystarynyń keı jerlerinde jel 15-20 m/s kúsheıedi. Túnde jáne tańerteń Soltústik Qazaqstan oblysynyń keı jerlerinde tuman bolady, kúndiz burshaq bolýy yqtımal. Túnde Aqtóbe, Qostanaı, Soltústik Qazaqstan oblystarynyń keı jerlerinde 1-3 gradýs úsik kútiledi.
