AÝA RAIY: 14 qyrkúıekte eki oblysta úsik júredi
ASTANA. QazAqparat - 14 qyrkúıekte Qazaqstannyń basym bóliginde atmosferalyq frontaldy bólikterdiń ótýine baılanysty naızaǵaıly jaýyn-shashyn, ekpindi jel saqtalady. Tek eldiń batysy jáne soltústik shyǵysynda jaýyn-shashynsyz aýa raıy kútiledi, dep habarlaıdy Qazgıdromet.
Soltústikte, shyǵysta jáne ortalyqtyń keı jerlerinde tuman kútiledi. Ortalyqta jáne soltústikte keı jerlerde úsik kútiledi. Ońtústik Qazaqstan, Atyraý, Aqtóbe, Qostanaı, Shyǵys Qazaqstan oblystarynda, tańerteń jáne kúndiz Batys Qazaqstan, Aqmola, Soltústik Qazaqstan oblystarynyń keı jerlerinde jel 15-20 m/s-ge kúsheıedi, túnde jáne tańerteń Aqmola, Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde tuman kútiledi.
Túnde Qaraǵandy, Aqmola oblystarynda topyraq betinde úsik júredi, sýyq 1-3 gradýs dep kútiledi. Atyraý, Ońtústik Qazaqstan oblystarynda, Qaraǵandy, Jambyl, Almaty oblystarynyń basym bóliginde, Batys Qazaqstan, Aqtóbe, Shyǵys Qazaqstan oblystarynyń keı jerlerinde óte joǵary órt qaýipi saqtalady.
