Aýa raıy: 13-15 sáýir aralyǵy jaýyn-shashyndy bolady
ASTANA. QazAqparat - «Qazgıdromet» RMK 2017 jyldyń 13-15 sáýirine arnalǵan aýa-raıy boljamyn jarııa etti, dep habarlaıdy QazAqparat.
Aldaǵy úshn kúnde elimizdiń basym bóliginde sáýir aıyna tán aýa raıy saqtalady. ıAǵnı atmosferalyq protsester jyldam aýysyp, jaýyn-shashyn saqtalady.
13 sáýirde respýblıkamyzdyń ońtústigi men ońtústik-shyǵysynda sýyq aǵymdardyń áserinen jańbyr jaýyp, keı jerlerde jaýyn mol kólemde túsedi. Taýly aımaqtarda jańbyr, sýly qar jáne ekpindi kúshti jel kútilýde.
Batys oblystarynda salqyn atmosferalyq aǵymdardyń artynan, Kavkaz óńirlerimen antıtsıklon aýysady. Alaıda, Jerorta teńizi men Reseıdiń eýropalyq bóliginiń soltústik-batys aımaqtarynda tsıklondar qalyptasyp, elimizdiń shyǵys aımaqtarynda antıtsıklondar aýysyp, solardyń áserinen Qazaqstannyń batys bólikterinde, 15 sáýirde tsıklondardyń áserinen jaýyn jaýyp, naızaǵaı urdy. Ońtústik batystan soqqan jeldiń kúshi keı jerlerde 15-20 m/s, ekpini 25 m/s deıin kúsheıedi.
