Aýa raıynyń kúrt nasharlaýyna baılanysty bes oblysta jol jabyldy
ASTANA. KAZINFORM — «QazAvtoJol» UK baspasóz qyzmeti respýblıkalyq joldarda kólik qozǵalysyn shekteý týraly shuǵyl aqparat taratty.
Jetisý oblysy:
2025 jylǵy 20 qańtar saǵat 13:20–da aýa raıynyń buzylýyna baılanysty «Úsharal-Dostyq-QHR shekarasy» avtojolynyń 84-164 shaqyrym aralyǵyndaǵy ýchaskesinde (Kóktuma stansasynan Dostyq stansasyna deıin) kólikterdiń barlyq túriniń qozǵalysyna shekteý qoıylady.
Pavlodar oblysy:
2025 jylǵy 20 qańtar saǵat 16:30–da aýa raıynyń buzylýyna baılanysty «Astana-Ereımentaý-Shiderti» avtojolynyń 200-254 shaqyrym aralyǵyndaǵy ýchaskesi (Aqmola oblysynyń shekarasynan Shiderti aýylyna deıin) kóliktiń barlyq túriniń qozǵalysyna shekteý qoıylady.
Joldy 2025 jylǵy 21 qańtar saǵat 07:00–de ashý josparlanǵan.
Aqmola oblysy:
2025 jylǵy 20 qańtar saǵat 16:30–da aýa raıynyń buzylýyna baılanysty «Astana-Ereımentaý-Shiderti» avtojolynyń 16-200 shaqyrym aralyǵyndaǵy ýchaskesi (Astana qalasynan Pavlodar oblysynyń shekarasyna deıin) kóliktiń barlyq túriniń qozǵalysyna shekteý qoıylady.
2025 jylǵy 20 qańtar saǵat 17:00–de Aqmola oblysynda aýa raıynyń buzylýyna baılanysty «Astana-Petropavl» avtojolynyń 18-232 shaqyrym aralyǵyndaǵy ýchaskesinde (Astana q. — Şýchınsk q.) kóliktiń barlyq túriniń qozǵalysyna shekteý qoıylady.
2025 jylǵy 20 qańtar saǵat 19:00–de aýa raıynyń buzylýyna baılanysty «Astana-Qaraǵandy-Almaty» avtojolynyń 1291-1353 shaqyrym aralyǵyndaǵy ýchaskesinde (Jibek Joly tólem aqy alý pýnktinen Qaraǵandy oblysynyń shekarasyna deıin) kóliktiń barlyq túriniń qozǵalysyna shekteý qoıylady.
Joldy 2025 jylǵy 21 qańtar saǵat 07:00–de ashý josparlanǵan.
Bul rette Astana qalasy TJD Azamattyq qorǵaý basqarmasynyń aǵa ofıtseri Abaı Nýksýev «Astana-Shýchınsk» avtojolynda joǵary ótimdi tehnıkalarmen patrýldeý júrgizilip jatqanyn málim etti.
— Aýa raıynyń qolaısyzdyǵy saldarynan týyndaýy múmkin oqys oqıǵalardyń aldyn alý maqsatynda elordalyq qutqarýshylar qaladan shyǵý joldarynyń baǵyty boıynsha «Astana-Shýchınsk» avtojolynda joǵary ótimdi tehnıkalarmen patrýldeý júrgizilýde. «112» qutqarý qyzmetinen aýa raıynyń nasharlaýyna baılanysty daýyldy eskertý týraly SMS-habarlama alǵan kezde olarǵa nazar aýdaryńyz. Eldi mekenderden uzaq saparlarǵa shyǵýlardan aýlaq bolyńyz, — dep eskertti Nýkýev.
Qaraǵandy oblysy:
2025 jylǵy 20 qańtar saǵat 19:00–de aýa raıynyń buzylýyna baılanysty «Astana-Qaraǵandy-Almaty» avtojolynyń 1353-1426 shaqyrym aralyǵyndaǵy ýchaskesinde (Aqmola oblysynyń shekarasynan Temirtaý tólem aqy alý pýnktine deıin) kóliktiń barlyq túriniń qozǵalysyna shekteý qoıylady.
2025 jylǵy 20 qańtar saǵat 19:00–de aýa raıynyń buzylýyna baılanysty «Astana-Qaraǵandy-Almaty» avtojolynyń 1505-1610 shaqyrym aralyǵyndaǵy ýchaskesinde (Atameken aýylynan Aqsý-Aıýly aýylyna deıin) júk jáne qoǵamdyq kólikterdiń qozǵalysyna shekteý qoıylady.
2025 jylǵy 20 qańtar saǵat 20:00–de aýa raıynyń buzylýyna baılanysty «Qyzylorda-Pavlodar-Ýspenka-RF shekarasy» avtojolynyń 1206-1367 shaqyrym aralyǵyndaǵy ýchaskesinde (Shiderti aýylynan Atameken aýylyna deıin) kóliktiń barlyq túriniń qozǵalysyna shekteý qoıylady.
Joldy 2025 jylǵy 21 qańtar saǵat 07:00–de ashý josparlanǵan.
Ulytaý oblysy:
2025 jylǵy 20 qańtar saǵat 21:00–de aýa raıynyń buzylýyna baılanysty «Qyzylorda — Pavlodar» avtojolynyń 433-756 shaqyrym aralyǵyndaǵy ýchaskesinde (Jezqazǵan qalasynan Janaarqa aýylyna deıin) kóliktiń barlyq túriniń qozǵalysyna shekteý qoıylady.
Joldy 2025 jylǵy 21 qańtar saǵat 06:00–de ashý josparlanǵan.
Buǵan deıin Almatyda aýa sapasyn lastaıtyn basty faktorlardy ataǵan edik.