Aýa raıynyń qolaısyzdyǵyna baılanysty joldar jabylǵan óńirler qatary artty
ACTANA. KAZINFORM – QazAvtoJol ulttyq kompanııasy taǵy da birneshe oblysta kólik qozǵalysyna shekteý qoıylǵanyn habarlady.
29 jeltoqsan kúni saǵat 22:00-den bastap aýa raıynyń buzylýyna baılanysty respýblıkalyq mańyzy bar tómendegi avtojoldarda barlyq kólik túrleriniń qozǵalysyna shekteý engizildi:
Ulytaý oblysy:
- «Qyzylorda-Jezqazǵan-Qaraǵandy-Shiderti» avtomobıl jolynyń 433-788-shaqyrymy aralyǵyndaǵy ýchaskesi (Jezqazǵan qalasynan Qaraǵandy oblysynyń shekarasyna deıin).
- «Jezqazǵan-Arqalyq-Petropavl» avtomobıl jolynyń 24-64-shaqyrymy aralyǵyndaǵy ýchaskesi (Sátbaev qalasynan Jezdi eldi mekenine deıin).
Qaraǵandy oblysy:
- «Qyzylorda - Jezqazǵan - Qaraǵandy - Shiderti» avtomobıl jolynyń 788-906-shaqyrym aralyǵyndaǵy ýchaskesi (Ulytaý oblysynyń shekarasynan Topar eldi mekenine deıin).
Mańǵystaý oblysy:
30 jeltoqsan kúni saǵat 00:00-de aýa raıynyń nasharlaýyna baılanysty respýblıkalyq mańyzy bar «Dossor – Qulsary – Beıneý – Saıótes – Shetpe – Jetibaı – Aqtaý» 332–632-shaqyrym aralyǵyndaǵy Beıneý eldi mekeninen Shetpe eldi mekenine deıin barlyq kólik túrleriniń qozǵalysyna shekteý qoıyldy.
Aqmola oblysy:
30 jeltoqsan saǵat 01:00-de aýa raıynyń nasharlaýyna baılanysty respýblıkalyq mańyzy bar «Astana-Atbasar-Jaqsy-Rýzaevka-Qostanaı-RF shekarasy (Qaıraq ó/p)» 16-135-shaqyrym aralyǵynda (Astana qalasynan Astarahanka aýylyna deıin) barlyq kólik túrleriniń qozǵalysyna shekteý qoıyldy.
Sondaı-aq 30 jeltoqsan kúni saǵat 02:00-de aýa raıynyń nasharlaýyna baılanysty kelesi respýblıkalyq avtojoldarda kóliktiń barlyq túrleriniń qozǵalysyna shekteý qoıyldy.
Aqmola oblysy:
- «Astana – Shiderti – Pavlodar – Ýspenka – RF shekarasy» avtojolynyń 16-200-shaqyrym aralyǵy (Astana qalasynan Pavlodar oblysynyń shekarasyna deıin).
Pavlodar oblysy:
- «Astana – Shiderti – Pavlodar – Ýspenka – RF shekarasy» avtojolynyń 200-254-shaqyrym aralyǵy (Aqmola oblysynyń shekarasynan Shiderti aýylyna deıin).
Ulytaý oblysy:
30 jeltoqsan kúni saǵat 02:30-da aýa raıynyń nasharlaýyna baılanysty respýblıkalyq mańyzy bar «Jezqazǵan-Arqalyq-Petropavl» 64-137-shaqyrym aralyǵynda (Jezdi aýylynan Ulytaý kentine deıin) barlyq kólik túrleriniń qozǵalysyna shekteý qoıyldy.
Joǵaryda atalǵan joldardy búgin saǵat 08:00-de ashý josparlanyp otyr.
Aıta keteıik, keshe aýa raıy buzylyp, Ulytaý jáne Qyzylorda oblystarynda jol jabyldy.