Aýa raıynyń qolaısyzdyǵyna baılanysty QHR temirjol kóligimen júk qabyldaýdy toqtatty

Dostyq (QR) jáne Alashańqaı (QHR) stantsııalarynda qalyptasqan aýa raıynyń qolaısyzdyǵyna baılanysty Qazaqstannan QHR-ǵa júk qabyldaý baıaýlady. Atap aıtqanda, Qytaı astyq tasymaldaýshylardy, astyq júkteri men untaq ónimderi bar jabyq vagondardy, ósimdik maıy bar tsısternalardy qabyldamaıdy. Alashańqaı stantsııasynda termınaldardyń jumysy toqtatyldy, dep habarlaıdy Kazinform.

«Qazaqstan temir joly» UK» AQ baspasóz qyzmetiniń málimetinshe, júk jáne konteınerlik poıyzdar kútýge kóshken. 12-13 jeltoqsan aralyǵynda túnde poıyzdardy berý tolyǵymen toqtatyldy, kúndiz-poıyzdardyń ortasha táýliktik almasýy 5 esege: 15-ten 3 quramǵa deıin tómendedi. 

Osyǵan baılanysty QTJ aǵymdaǵy jyldyń 25 jeltoqsanyna deıin Dostyq shekara ótkeli arqyly konteınerlerde, astyq tasymaldaýshylarda, jabyq vagondarda astyq júkterin jáne tsısternalarda ósimdik maılaryn qabyldaýǵa tyıym saldy. 

QTJ 12 jeltoqsanda QHR temir jol ókilderimen júkterdi qabyldaýdy qaıta bastaý týraly shuǵyl keńes ótkizdi.