Astanada boran tútep tur: oblystaǵy trassalar jabyldy
ASTANA. KAZINFORM — 10 naýryzda Qazgıdromet eldiń birqatar óńirinde, sonyń ishinde Astana men Aqmola oblysynda da daýyldy eskertý jarııalaǵan edi
Astanada boran soǵyp tur. Qazgıdromet Qazaqstannyń birqatar óńirinde, sonyń ishinde Astana men Aqmola oblysynda da daýyldy eskertý jarııalaǵan edi.
Qazgıdromettiń habarlaýynsha, búgin 10 naýryzda Astanada qar, boran, kóktaıǵaq bolady. Sondaı-aq ońtústik-batys jeldiń ekpini sekýndyna 15-20 metr, keıde sekýndyna 23 metr jetedi.
Qolaısyz aýa raıy Aqmola oblysyna da áser etti. Sınoptıkter buǵan deıin Aqmola oblysynda qar, boran, kóktaıǵaq bolatynyn eskertken bolatyn. Oblystyń batysynda, soltústiginde tuman bolady. Jel ońtústik-batys, oblystyń batysynda, ońtústiginde, shyǵysynda ekpini sekýndyna 15-20 metr, keıde sekýndyna 23-28 metrge deıin jetpek. Kókshetaýda joldarda kóktaıǵaq bolady dep kútilýde.
Astanada aýa raıynyń nasharlaýyna baılanysty qala mańyndaǵy baǵyttardyń qozǵalysy ýaqytsha toqtatyldy.
Olardyń ishinde Nº310 marshrýttary bar, 315, 316, 317, 327, 328, 329.
«QazAvtoJol» málimetteri boıynsha, Aqmola oblysynyń trassalarynda aýa raıynyń nasharlaýyna baılanysty avtokóliktiń barlyq túrleri úshin qozǵalys shektelgen:
Aqmola oblysynda «Astana-Ereımentaý-Shiderti» avtojolynyń 16-200 shaqyrym aralyǵy (Astana qalasy-Pavlodar oblysy shekarasy);
— «Astana-Petropavlovsk» avtojolynyń 18-232 shaqyrym aralyǵyndaǵy ýchaskecinde (Astana qalasy — Şýchınsk qalasy);
Aqmola oblysy: — «Astana-Qabanbaı batyr-Nura-Temirtaý» avtojolynyń 35-51 shaqyrym aralyǵy (Qabanbaı Batyr aýyly — Qaraǵandy oblysy shekarasy);
Qaraǵandy oblysy: — «Astana-Qabanbaı batyr-Nura-Temirtaý» avtojolynyń 51-266 shaqyrym aralyǵy (Aqmola oblysy shekarasy-Temirtaý qalasy);
Joldy 2025 jylǵy 10 naýryz saǵat 20:00–de ashý josparlanǵan.
Eske salsaq Astanada qar kúreýge 1600-den astam arnaıy tehnıka shyǵaryldy.