Aýa raıynyń qolaısyzdyǵyna baılanysty birqatar óńirde joldar jabyldy
ASTANA. KAZINFORM – Elimizdiń birqatar óńirinde aýa raıynyń kúrt nasharlaýyna baılanysty respýblıkalyq mańyzy bar avtojoldarda qozǵalysqa ýaqytsha shekteý engizildi, dep habarlaıdy «QazAvtoJol» ulttyq kompanııasy.
27 aqpanda boran men kóktaıǵaqqa baılanysty kelesi baǵyttarda barlyq kólik túrleri úshin qozǵalys shekteldi.
Qyzylorda oblysynda «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 1362-1646 shaqyrymy aralyǵynda (Aral qalasy – «Oazıs» servıs nysany), sondaı-aq osy joldyń 1806-2047 shaqyrymy (Qyzylorda qalasy – Besaryq aýyly) jabyldy.
Budan bólek, «Qyzylorda – Jezqazǵan – Qaraǵandy – Shiderti» (KAZ14) avtojolynyń 12-216 shaqyrymy (Qyzylorda qalasy – Ulytaý oblysynyń shekarasy) ýchaskesinde shekteý qoıyldy.
Jambyl oblysynda atalǵan halyqaralyq dálizdiń 159-238 shaqyrymy (Kenen aýyly – Qaınar aýyly) jabyldy. Qozǵalys eski Qordaı asýy arqyly júzege asyrylady.
Shyǵys Qazaqstan oblysynda «Óskemen – Rıdder – RF shekarasy» (15-105 km), «Almaty – Taldyqorǵan – Óskemen – Shemonaıha – RF shekarasy» jolynyń birneshe ýchaskesi (1104-1191 km, 1194-1212 km, 1013-1062 km), «Óskemen – Altaı – Úlken Naryn – Katonqaraǵaı – Rahman qaınary» (7-249 km), sondaı-aq «Óskemen – Semeı» (12-103 km) baǵyttarynda qozǵalys shekteldi.
Abaı oblysynda «Almaty – Taldyqorǵan – Óskemen – Shemonaıha – RF shekarasy» avtojolynyń 971-1013 km jáne 778-967 km aralyǵy, «Óskemen – Semeı» (103-198 km), «QHR shekarasy – Maıqapshaǵaı – Zaısan – Qalbataý – Semeı – Pavlodar – RF shekarasy» (756-906 km), «Semeı – RF shekarasy» (2-113 km), sondaı-aq «Qaraǵandy – Aıagóz – Tarbaǵataı – Bogas» (528-941 km) ýchaskelerinde qozǵalys toqtatyldy.
Ulytaý oblysynda «Qyzylorda – Jezqazǵan – Qaraǵandy – Shiderti» (KAZ14) avtojolynyń 216-424 shaqyrymy (Qyzylorda oblysynyń shekarasy – Jezqazǵan qalasy) jabyldy.
Al Jetisý oblysynda «Almaty – Taldyqorǵan – Óskemen – Shemonaıha – RF shekarasy» avtojolynyń 213-234 km (Muqyry asýy – Jambyl aýyly) jáne 276-388 km (Taldyqorǵan qalasy – Jansúgirov aýyly) ýchaskelerinde qozǵalys qaıta ashyldy.
Buǵan deıin sınoptıkter 28 aqpanda birqatar óńirde daýyldy eskertý jarııalaǵany habarlanǵan bolatyn.
