Aýa raıynyń qolaısyzdyǵyna baılanysty Aqmola oblysynan Astanaǵa qosymsha poıyzdar jolǵa shyqty
ASTANA. KAZINFORM – QTJ tas joldardyń jabylýyna baılanysty jolaýshylardy tasymaldaý úshin elektr poıyzdardy iske qosqanyn habarlady.
– Qolaısyz aýa raıy saldarynan tas joldarda ýaqytsha qozǵalys shekteýleri engizilýine baılanysty QTJ óńirler arasyndaǵy kólik qatynasynyń qoljetimdiligin qamtamasyz etý jáne jolaýshylardy tasymaldaýdy uıymdastyrý maqsatynda qala mańyndaǵy poıyzdardy taǵaıyndady, - delingen habarlamada.
Kókshetaý, Býrabaı kýrorty, Makınka jáne Aqkól stantsııalarynan Astana stantsııasyna deıin jolaýshylardy otyrǵyzý úshin tómendegi poıyzdar qatynaıdy:
— № 6830 «Kókshetaý – Astana»;
— № 7508 «Kókshetaý – Astana».
Qolaısyz aýa raıy jaǵdaıynda temirjol kóligi eń senimdi ári qaýipsiz qatynas túrleriniń biri bolyp qala beredi. Ulttyq tasymaldaýshy jolaýshylardyń qaýipsizdigi men jaılylyǵyn qamtamasyz etýge baǵyttalǵan barlyq qajetti sharalardy qabyldap, azamattardy saparlaryn josparlaý kezinde aýa raıy jaǵdaılaryn eskerýge shaqyrdy.
Aıta keteıik, aýa raıyna baılanysty ShQO-da jol jabyldy.
6 qańtar saǵat 15:00-de aýa raıynyń buzylýyna baılanysty úsh óńirdegi respýblıkalyq mańyzy bar avtojoldarda kóliktiń barlyq túrlerine shekteý qoıyldy.