4 óńirdiń jol bólikterinde kólikterdiń qozǵalysyna shekteý qoıyldy
ASTANA. KAZINFORM – Elimizdiń 4 óńirindegi joldarda aýa raıyna baılanysty kólik qozǵalysy shekteldi, dep habarlaıdy «QazAvtoJol» UK» AQ.
1. 2024 jylǵy 28 naýryzda saǵat 20:30 shamasynda qardyń kóptep erýine baılanysty jáne kólik quraldarynyń qaýipsiz qozǵalysyn qamtamasyz etý úshin «Qaraǵandy-Aıagóz-Boǵaz» respýblıkalyq avtojolynyń 707 shaqyrymynan 941 shaqyrymyna (Aıagóz qalasynan Boǵaz aýylyna) deıingi aralyqta barlyq kólik quraldary úshin qozǵalysqa shekteý qoıyldy.
2. 2024 jylǵy 28 naýryzda saǵat 20:50 shamasynda kópirge qaraı joldyń ishinara buzylýyna baılanysty «Samara-Shymkent» avtojolynyń 965 shaqyrymynan 1240 shaqyrymyna deıingi aralyqta barlyq kólik quraldarynyń qozǵalysyna shekteý engizildi (Qarabutaq aýylynan Qyzylorda oblysynyń shekarasyna deıin).
3. 2024 jylǵy 28 naýryzda saǵat 21:00 shamasynda Aqtóbe oblysynda kólik qozǵalysynyń shektelýine baılanysty Qyzylorda oblysynda «Samara-Shymkent» avtojolynyń 1240 shaqyrymynan 1357 shaqyrymǵa deıingi aralyǵynda kólikterdiń barlyq túrleri úshin qozǵalysqa shekteý qoıyldy (Aqtóbe oblysynyń shekarasynan Aral qalasyna deıin).
4. 2024 jylǵy 28 naýryzda saǵat 21:00 shamasynda Qaraǵandy oblysynda qar erip, sýdyń shamadan tys kóbeıýine baılanysty jáne kóliktiń qozǵalysyna qaýip tónýine baılanysty Astana-Qabanbaı batyr-Nura-Temirtaý avtojolynyń 147-shaqyrymnan 166-shaqyrymyna deıingi aralyǵynda barlyq kólik quraldarynyń qozǵalysyna shekteý qoıyldy (Alǵabas aýylynan Aqmeshitke deıingi ýchaske).
