Aýa raıynyń qolaısyzdyǵy: Oralǵa keletin reıster keshigip jatyr

Aýa raıynyń qolaısyzdyǵyna baılanysty Oralǵa keletin reıster keshigip jatyr, dep habarlaıdy Kazinform.

«Oral halyqaralyq áýejaıy» JShS-nyń baspasóz hatshysy Aınagúl Saqposynovanyń málim etkenindeı, bul eń aldymen Astanadaǵy aýa raıynyń qolaısyzdyǵyna baılanysty bolyp otyr.

«Atap aıtqanda, Astana-Oral, Almaty-Oral baǵytyndaǵy reıster keshigýde. Sondaı-aq osy sebeppen búgin Atyraý-Oral reısi toqtatyldy. Búgin tańda Oraldan Sharm-el-Sheıhqa ushaq ushyp ketti. Áýejaı shtattyq rejımde jumys jasap jatyr», - deıdi A.Saqposynova.

«Oral halyqaralyq áýejaıy» JShS-nyń baspasóz qyzmeti taratqan habarlamada mundaı jaǵdaı kelesi reısterdiń keshigýine soqtyrýy múmkin ekendigi aıtylǵan.

«Osyǵan baılanysty jolaýshylar áýe kompanııalarynyń anyqtamalyq qyzmetterinen óz reısiniń ushý ýaqytyn aldyn ala naqtylap, sondaı-aq SMS túrinde keletin aqparatty eskergeni jón. Áýe kompanııasynyń kinásinen reıs kidirtilgen jaǵdaıda jolaýshylarǵa keshigý merziminiń uzaqtyǵyna baılanysty QR zańnamasynda kózdelgen qyzmetter (salqyn sýsyndar, ystyq tamaq, qonaqúıde ornalastyrý) usynylady» delingen habarlamada.

Eske sala keteıik, budan buryn Astanadan Oralǵa kelýi tıis ushaqtyń Aqtóbege qonǵanyn jazǵan bolatynbyz.