Aýa raıynyń buzylýyna baılanysty Jetisý oblysynda jol jabyldy

ASTANA. KAZINFORM – QazAvtoJol Jetisý oblysynda kólik qozǵalysyna shekteý qoıý týraly shuǵyl aqparat jarııalady.

- 2025 jylǵy 25 qańtar saǵat 01:00-de Jetisý oblysy boıynsha aýa raıynyń buzylýyna baılanysty «Saryózek-Kókal» avtojolynyń 40-68 shaqyrym aralyǵynda (Altyn Emel asýy deıin) kóliktiń barlyq túriniń qozǵalysyna shekteý qoıylady, - delingen habarlamada.

Sonymen qatar 25 qantar saǵat 01:00-de Jetisý oblysy boıynsha aýa raıynyń buzylýyna baılanysty «Úsharal-Dostyq» avtojolynyń 84-164 shaqyrym aralyǵynda (Kóktýma stansasynan Dostyq aýylyna deıin) kóliktiń barlyq túriniń qoǵalysyna shekteý qoıylady.

Buǵan deıin elimizdiń úsh oblysynda aıazǵa baılanysty qoǵamdyq kólik qozǵalysyna shekteý qoıylǵanyn jazǵan bolatynbyz.