Aýa raıynyń buzylýyna baılanysty Jambyl oblysynda jol jabylady
TARAZ. KAZINFORM – Jambyl oblysynda kólik qozǵalysyna shekteý qoıylady.
- 2025 jylǵy 8 qańtar saǵat 20:00-de Jambyl oblysynda aýa raıynyń buzylýyna baılanysty «Almaty-Tashkent-Termez» a/j (Jańa Qordaı asýy) 159-238 shaqyrym aralyǵyndaǵy ýchaskede (Otar aýyly-Qaınar aýyly) kóliktiń barlyq túriniń qozǵalysyna shekteý qoıý josparlanyp otyr, - delingen QazAvtoJol habarlamasynda.
Joldy 9 qantar saǵat 10:00-de ashý josparlanǵan.
Qozǵalys eski Qordaı asýy arqyly júzege asyrylatyn bolady.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
Jetisý oblysynda Altyn Emel asýynyń joly jabylǵanyn jazǵan bolatynbyz.
