Aýa raıynyń buzylýyna baılanysty SQO-da jol jabyldy

PETROPAVL. KAZINFORM – QazAvtoJol Soltústik Qazaqstan oblysynda kólik qozǵalysy shektelgenin habarlady.

16 jeltoqsanda saǵat 19:30-da Soltústik Qazaqstan oblysynda aýa raıynyń buzylýyna baılanysty respýblıkalyq mańyzy bar «Ekaterınbýrg-Almaty» avtojolynyń 729-768 shaqyrym aralyǵynda (Qostanaı oblysynyń shekarasynan Toqsan bı aýylyna deıin) kóliktiń barlyq túriniń qozǵalysyna shekteý qoıyldy.

2024 jylǵy 17 jeltoqsan saǵat 08:00-de joldy ashý josparlanǵan.

Buǵan deıin Qostanaı oblysynda kólik qozǵalysyna shekteý qoıylǵanyn jazǵan bolatynbyz.