Aýa raıynyń buzylýyna baılanysty eki oblysta jol jabyldy
ASTANA.KAZINFORM – QazAvtoJol Mańǵystaý jáne Jetisý oblysynda kólik qozǵalysyna shekteý qoıylǵanyn habarlady.
– 2025 jylǵy 10 jeltoqsan saǵat 15:00-de aýa raıynyń buzylýyna baılanysty kelesi respýblıkalyq mańyzy bar avtojoldarda barlyq kólik túriniń qozǵalysyna shekteý qoıylady:
- «Fort-Shevchenko – Taýshyq – Shetpe» avtojolynyń 91-161 shaqyrym aralyǵy (Taýshyq aýyly – Shetpe aýyly);
- «Aqtaý – Quryq» avtojolynyń 13-72 shaqyrym aralyǵy (Aqtaý qalasy – Quryq aýyly), - delingen habarlamada.
Joldy 2025 jylǵy 10 jeltoqsan saǵat 22:00-de ashý josparlanǵan. Sonymen qatar Jetisý oblysynda kólik qozǵalysy shekteldi.
Búgin saǵat 15:30-da aýa raıynyń buzylýyna baılanysty «Úsharal – Dostyq» avtojolynyń 10-164 shaqyrym aralyǵyndaǵy ýchaskesinde (Úsharal qalasy – Dostyq st.) kólikterdiń barlyq túriniń qozǵalysyna shekteý qoıylady.
Joldy 2025 jylǵy 11 jeltoqsan saǵat 08:00-de ashý josparlanǵan.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
Aıta keteıik, Almaty áýejaıynda aýa raıyna baılanysty reıster keshigip jatyr.