Aýa raıynyń buzylýyna baılanysty eki oblysta jol jabyldy

ASTANA. KAZINFORM – QazAvtoJol aýa raıyna baılanysty eki oblysta kólik qozǵalysyna shekteý qoıylǵanyn habarlady.

2025 jylǵy 17 aqpan saǵat 19:30-da aýa raıynyń buzylýyna baılanysty kelesi respýblıkalyq joldarda júk jáne qoǵamdyq kólikterdiń qozǵalysyna shekteý qoıylady:

Qostanaı oblysy:

«Qostanaı-Áýlıekól-Surǵan» avtojolynyń 108-232 shaqyrym aralyǵy (Áýlıekól aýyly - Aqmola oblysynyń shekarasy).

Aqmola oblysy:

- «Qostanaı-Áýlıekól-Surǵan» avtojolynyń 232-260 shaqyrym aralyǵy (Qostanaı oblysynyń shekarasy - Surǵan aýyly);

- «Jaqsy-Esil-Buzylyq» avtojolynyń 71-82 shaqyrym aralyǵy (Aqsaı aýyly - Buzylyq aýyly);

- «Jezqazǵan-Petropavl» avtojolynyń 536-553 shaqyrym aralyǵy (Buzylyq aýyly - Surǵan aýyly).

Joldy 18 aqpan saǵat 08:00-de ashý josparlanǵan.

Aýa raıyna baılanysty úsh oblysta jol jabylǵanyn jazǵan bolatynbyz.