Aýa raıynyń buzylýyna baılanysty eki oblysta jol jabylady
ASTANA. KAZINFORM – QazAvtoJol kólik qozǵalysyna shekteý qoıý týraly shuǵyl aqparat jarııalady.
Aýa raıynyń buzylýyna baılanysty kelesi respýblıkalyq avtojoldarda kólik qozǵalysyna shekteý qoıý josparlanyp otyr:
Qyzylorda oblysy:
- 2024 jylǵy 20 jeltoqsan saǵat 01:00-de respýblıkalyq mańyzy bar «Qyzylorda-Jezqazǵan» avtojolynyń 12-216 shaqyrym aralyǵynda (Qyzylorda qalasynyń - Ulytaý oblasynyń shekarasyna deıin) kóliktiń barlyq túriniń qozǵalysyna shekteý qoıylady. Joldy 2024 jylǵy 20 jeltoqsan saǵat 06:00-da ashý josparlanǵan.
Sonymen qatar Ulytaý oblysynda kólik qozǵalysyna shekteý qoıylady.
– 20 jeltoqsanda saǵat 01:00-de Ulytaý oblysynda aýa raıynyń buzylýyna baılanysty «Qyzylorda-Pavlodar» avtojolynyń 216-424 shaqyrym aralyǵyndaǵy ýchaskede (Qyzylorda oblysy shekarasynan Jezqazǵan qalasyna deıin) kóliktiń barlyq túriniń qoǵalysyna shekteý qoıylady. Joldy 2024 jylǵy 20 jeltoqsan saǵat 06:00-de ashý josparlanǵan, - delingen habarlamada.
1403 baılanys ortalyǵyna habarlasyp, táýlik boıy qosymsha aqparat alýǵa bolady.