Aýa raıynyń buzylýyna baılanysty eki oblysta jol jabylady
ASTANA. KAZINFORM – QazAvtoJol aýa raıyna baılanysty Aqtóbe jáne Shyǵys Qazaqstan oblystarynda jol jabylatynyn habarlady.
– 2025 jylǵy 17 qańtar saǵat 17:00-de aýa raıynyń buzylýyna baılanysty «Almaty-Taldyqorǵan-Óskemen-Shemonaıha-RF shekarasy» avtojolynyń 971-1013 shaqyrym aralyǵyndaǵy ýchaskesinde (Qalbataý aýylynan Shyǵys Qazaqstan oblysynyń shekarasyna deıin) kólikterdiń barlyq túriniń qozǵalysyna shekteý qoıylady, - delingen habarlamada.
Joldy 18 qańtar saǵat 05:00-de ashý josparlanǵan. Sonymen qatar Shyǵys Qazaqstan oblysynda da kólik qozǵalysyna shekteý qoıylady.
– 17 qańtar saǵat 17:00-de aýa raıynyń buzylýyna baılanysty «Almaty-Taldyqorǵan-Óskemen-Shemonaıha-RF shekarasy» avtojolynyń 1013-1048 shaqyrym aralyǵyndaǵy ýchaskesinde (Abaı oblysynyń shekarasynan Ulan aýylynyń burylysy) kólikterdiń barlyq túriniń qozǵalysyna shekteý qoıylady, - dedi kompanııadan.
Joldy 18 qańtar saǵat 05:00-de ashý josparlanǵan.
«Almaty-Óskemen» avtojolynda iri jol apaty bolǵanyn jazǵan bolatynbyz.