Aýa raıynyń buzylýyna baılanysty birneshe respýblıkalyq jol jabyldy
ASTANA. KAZINFORM – 24 naýryzda aýa raıynyń qolaısyzdyǵyna baılanysty respýblıkalyq mańyzy bar birqatar avtojol ýchaskelerinde kóliktiń barlyq túriniń qozǵalysyna ýaqytsha shekteý engizildi, dep habarlaıdy «QazAvtoJol» ulttyq kompanııasy.
24 naýryz kúni saǵat 19:40-ta engizilgen shekteýge sáıkes, Aqmola jáne Qaraǵandy oblystaryndaǵy myna joldar jabyldy:
Aqmola oblysynda:
– «Astana – Qaraǵandy – Almaty» avtojolynyń 30-92 shaqyrymy (Jibek joly tólem qabyldaý pýnkti – Qaraǵandy oblysynyń shekarasy).
Qaraǵandy oblysynda:
– «Astana – Qaraǵandy – Almaty» avtojolynyń 92-164 shaqyrymy (Aqmola oblysynyń shekarasy – Temirtaý tólem qabyldaý pýnkti);
– «Qaraǵandy – Aıagóz – Tarbaǵataı – Buǵaz» avtojolynyń 17-217 shaqyrymy (Qaraǵandy qalasy – Qarqaraly qalasy).
Sonymen qatar 24 naýryz saǵat 20:00-den bastap taǵy birqatar ýchaskede qozǵalys toqtatyldy.
Qaraǵandy oblysynda:
– «Qyzylorda – Jezqazǵan – Qaraǵandy – Shiderti» avtojolynyń 970-1135 shaqyrymy (Qaraǵandy qalasy – Pavlodar oblysynyń shekarasy).
Pavlodar oblysynda:
– «Qyzylorda – Jezqazǵan – Qaraǵandy – Shiderti» avtojolynyń 1135-1206 shaqyrymy (Qaraǵandy oblysynyń shekarasy – Shiderti kenti).
Aldyn ala málimet boıynsha, atalǵan joldardy 25 naýryz saǵat 08:00-de ashý josparlanyp otyr.
Jol jaǵdaıy týraly qosymsha aqparatty 1403 baılanys ortalyǵyna habarlasyp bilýge bolady.
Aıta keteıik, tańerteń respýblıka boıynsha qaı joldar jabyq ekeni habarlanǵan.
