Aýa raıynyń buzylýyna baılanysty birneshe oblysta jol jabyldy

ASTANA. KAZINFORM – Aýa raıynyń qolaısyzdyǵyna baılanysty birneshe respýblıkalyq avtojolda kólik qozǵalysyna shekteý qoıyldy. 

3 aqpan saǵat 20:30-da aýa raıynyń buzylýyna baılanysty kelesi respýblıkalyq avtojoldarda kóliktiń barlyq túriniń qozǵalysyna shekteý qoıylady.

Aqmola oblysy boıynsha «Astana-Ereımentaý-Shiderti» avtojolynyń 16-200 shaqyrym aralyǵyndaǵy ýchaskesi (Astana qalasynan Pavlodar oblysynyń shekarasyna deıin).

Pavlodar oblysy boıynsha «Astana-Ereımentaý-Shiderti» avtojolynyń 200-254 shaqyrym aralyǵyndaǵy ýchaskesi (Aqmola oblysynyń shekarasynan Shiderti aýylyna deıin).

Joldy 4 aqpan saǵat 00:00–de ashý josparlanǵan.

Sonymen qatar QazAvtoJoldyń málimetinshe, Jetisý oblysynda 3 aqpan saǵat 21:00-de aýa raıynyń buzylýyna baılanysty «Úsharal-Dostyq» avtojolynyń 84-164 shaqyrym aralyǵyndaǵy ýchaskesinde (Kóktýma aýylynan Dostyq stansasyna deıin) kóliktiń barlyq túriniń qoǵalysyna shekteý qoıylady.