Aýa raıynyń buzylýyna baılanysty birqatar oblysta jol jabyldy

ASTANA. KAZINFORM – QazAvtoJol birqatar oblysta kólik qozǵalysyna shekteý qoıylǵanyn habarlady.

18 aqpan saǵat 18:00-degi jaǵdaı boıynsha aýa raıynyń buzylýyna baılanysty Ulytaý oblysyndaǵy 2 respýblıkalyq mańyzy bar avtomobıl jolynda kólik qozǵalysyna ýaqytsha shekteý qoıylǵan:

- «Qyzylorda — Jezqazǵan — Qaraǵandy — Shiderti» avtojolynyń 433-750 shaqyrym aralyǵy (Jezqazǵan qalasy — Jańaarqa kenti);

- «Jezqazǵan — Arqalyq — Petropavl» avtojolynyń 24-64 shaqyrym aralyǵy (Sátbaev qalasy — Jezdi eldi mekeni).

Saǵat 21:00-de Pavlodar oblysynda barlyq baǵytta kólik qozǵalysyna shekteý qoıylady.

18 aqpan saǵat 21:00-de aýa raıynyń nasharlaýyna baılanysty respýblıkalyq mańyzy bar avtojoldardyń barlyq kólik túrleri úshin shekteý engiziledi:

 Aqmola oblysy: - «Astana — Shiderti — Pavlodar — Ýspenka — RF shekarasy» avtojolynyń 16 — 200 shaqyrym aralyǵy (Astana qalasy — Pavlodar oblysy shekarasy).

 Abaı oblysy: - «QHR shekarasy — Maıqapshaǵaı — Zaısan — Kalbataý — Semeı — Pavlodar — RF shekarasy (Úrlitóbe ó/p )» avtojolynyń 583 — 733 shaqyrym aralyǵy (Pavlodar oblysy shekarasynan — Semeı qalasyna deıin).

Qaraǵandy oblysy

Saǵat 21:00-de aýa raıynyń buzylýyna baılanysty kelesi respýblıkalyq mańyzy bar avtojoldarda barlyq kólik túrleriniń qozǵalysyna shekteý engiziledi:

 - «Qalqaman – Baıanaýyl – Úmitker – Botaqara» avtojolynyń 231-324 shaqyrym aralyǵy (Pavlodar oblysynyń shekarasynan Botaqara aýylyna deıin);

- «Qyzylorda – Jezqazǵan – Qaraǵandy – Shiderti» avtojolynyń 970-1135 shaqyrym aralyǵy (Qaraǵandy qalasynan – Pavlodar oblysynyń shekarasyna deıin);

Joldy 2026 jyly 19 aqpan saǵat 09:00-de ashý josparlanǵan.

Aıta ketelik eldiń ońtústiginde kún sýytady.