Aýa raıynyń buzylýyna baılanysty Atyraý jáne Aqtóbe oblystarynda jol jabylady
ASTANA. KAZINFORM – QazAvtoJol aýa raıyna baılanysty eki oblysta kólik qozǵalysy shekteletinin habarlady.
Atyraý oblysy:
2025 jylǵy 21 aqpan saǵat 15:30-da aýa raıynyń buzylýyna baılanysty «Dossor - Qulsary - Beıneý - Saıótes - Shetpe - Jetibaı – Aqtaý» avtojolynyń 3-120 shaqyrym aralyǵyndaǵy ýchaskesinde (Dossor aýylynan Qulsary aýylyna deıin) kóliktiń barlyq túriniń qozǵalysyna shekteý qoıylady.
Joldy 21 aqpan saǵat 19:00-de ashý josparlanǵan.
Aqtóbe oblysy:
21 aqpan saǵat 16:30-da aýa raıynyń buzylýyna baılanysty «Aqtóbe - Qandyaǵash - Dossor - Atyraý - RF shekarasy» avtojolynyń 14-255 shaqyrym aralyǵyndaǵy ýchaskesinde (Aqtóbe qalasy - Qaraýylkeldi aýyly) júk jáne qoǵamdyq kólikterdiń qozǵalysyna shekteý qoıylady.
Joldy 22 aqpan saǵat 06:00-de ashý josparlanǵan.
Jetisý oblysynda kólik qozǵalysy shekteletinin jazǵan bolatynbyz.