Aýa raıynyń buzylýyna baılanysty eki oblysta jol jabylady

ALMATY. KAZINFORM – QazAvtoJol aýa raıyna baılanysty eki oblysta kólik qozǵalysyna shekteý qoıylǵanyn habarlady.

– 2025 jylǵy 4 aqpan saǵat 15:00-de aýa raıynyń buzylýyna baılanysty «Qaraǵandy-Aıagóz-Tarbaǵataı-Boǵas» avtojolynyń 383-528 shaqyrym aralyǵyndaǵy ýchaskede (Qaınar aýylynan Barshatas aýylyna deıin) kóliktiń barlyq túriniń qozǵalysyna shekteý qoıylady, - delingen habarlamada.

Joldy 5 aqpan saǵat 06:00-de ashý josparlanǵan. Sonymen qatar Jetisý oblysynda kólik qozǵalysy shekteldi.

– 4 aqpan saǵat 15:30-de aýa raıynyń buzylýyna baılanysty «Almaty-Taldyqorǵan-Óskemen-Shemonaıha-RF shekarasy» avtojolynyń 557-615 shaqyrym aralyǵyndaǵy ýchaskede (Úsharal qalasynan Abaı oblysynyń shekarasyna deıin) kóliktiń barlyq túriniń qozǵalysyna shekteý qoıylady, - delingen habarlamada.

Joldy 2025 jylǵy 4 aqpan saǵat 23:00-de ashý josparlanǵan.

Aıta keteıik, Kólik mınıstri Marat Qarabaev Úkimet otyrysynan keıin ótken baspasóz máslıhatynda Almatynyń aınalma jolymen júrý aqysy nege qymbattaǵanyn túsindirdi.