Aýa raıynyń buzylýyna baılanysty 5 oblysta joldar jabyldy

ASTANA. KAZINFORM — «QazAvtoJol» UK baspasóz qyzmeti bes oblysta kólikterdiń qozǵalysyna shekteý qoıylǵanyn málim etti.

Elimizdiń Abaı jáne Shyǵys Qazaqstan oblystarynyń respýblıkalyq joldarynda kólik qozǵalysy shekteldi.

— 2025 jylǵy 2 qantarda saǵat 15:00–de Abaı oblysynda aýa raıynyń buzylýyna baılanysty «Almaty-Óskemen» 778-1013 km, Aıagóz qalasy — ShQO shekarasy ýchaskesinde,  Shyǵys Qazaqstan oblysynda «Almaty-Óskemen» 1013-1048 km, Abaı oblysy shekarasy-Ýlanskoe a. ýchaskesinde kóliktiń barlyq túriniń qozǵalysyna shekteý qoıyldy, — delingen habarlamada.

Sonymen qatar, 2025 jylǵy 2 qańtarda saǵat 15:20-da aýa raıynyń buzylýyna baılanysty taǵy birqatar óńirde avtokóliktiń júk jáne qoǵamdyq túri úshin qozǵalys shekteledi. Atap aıtqanda:

Aqtóbe oblysy:  

- «Samara-Shymkent» 526-710 km, Batys Qazaqstan oblysy shekarasyndaǵy Marjanbulaq a. ýchaskesi - «Samara-Shymkent» 763-1240 km., Aqtóbe qalasy ýchaskesi-Qyzylorda oblysy shekarasy 

Qyzylorda oblysy:

- «Samara-Shymkent» 1240-1357 km, Aqtóbe oblysy ýchaskesi-Aral qalasy. 

Batys Qazaqstan oblysy:

- «Samara-Shymkent» 273-526 km, Barbastaý a. ýchaskesi-Aqtóbe oblysy shekarasy

Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady.

Buǵan deıin habarlaǵanymyzdaı, «QazAvtoJol» joldyń taıǵaqtyǵyna shaǵymdanǵan júrgizýshilerge jaýap berdi.