Aýa raıynan eki óńirdegi taǵy 3 ýchaskede joldar jabyldy

Kún raıynyń qolaısyzdyǵyna baılanysty respýblıkalyq joldardyń taǵy 3 ýchaskesinde kólik qozǵalysyna shekteý engizildi. Kazinform bul týraly QazAvtoJol kompanııasyna silteme jasap habarlaıdy.

Aqmola oblysynda

1. «Ekaterınbýrg – Almaty» kúre jolynyń Atbasar qalasynan Astrahan aýylyna deıingi jol aralyǵy jabyldy.
2. «Kókshetaý – Atbasar» tasjolynyń Zerendi aýylynan Atbasar qalasyna deıingi aralyǵy jabyq.

Batys Qazaqstan oblysynda

1. «Chapaev – Kaztalovka» avtojolynda qozǵalysqa tyıym salyndy.

Aıta keteıik, búgin tańerteń ekpindi jel men qatty jańbyr saldarynan elimizdiń 3 óńirindegi 8 jol ýchaskesinde jol qozǵalysyna shekteý engizilgen bolatyn.