Aýa raıyna baılanysty jabylǵan birneshe óńirdegi jol qaıta ashyldy

ASTANA. KAZINFORM - Aýa raıynyń turaqtalýyna baılanysty birqatar mańyzdy jol ashyldy. Bul týraly QazAvtoJol habarlady.

«22 qarasha saǵat 07-00 jaǵdaı boıynsha aýa raıynyń turaqtalýyna baılanysty respýblıkalyq mańyzy bar (Ekaterınbýrg qalasy — Almaty qalasy 1292-1353 sh.), „Jibek joly aýyly (Aqmola oblysy)-Qaraǵandy oblysy shekarasy“ ýchaskesi barlyq avtokólik túrlerine ashyq», — delingen habarlamady. 

Eske salsaq, keshe aýa raıynyń nasharlaýyna baılanysty taǵy úsh óńirde, atap aıtqanda Aqmola, Qaraǵandy jáne Pavlodar oblystarynda kólik qozǵalysyna shekteý qoıylǵan edi.

Keshe saǵat 17:30–da aýa raıynyń buzylýyna baılanysty «Ekaterınbýrg-Almaty» avtojolynyń 1353-1426 shaqyrym aralyǵynda (Aqmola oblysynyń shekarasynan Temirtaý tólemaqy alý pýnktine deıin) kóliktiń barlyq túriniń qozǵalysyna shekteý qoıylady. Sonymen qatar, 2024 jylǵy 21 qarashada saǵat 17:30–da Qaraǵandy oblysynda aýa raıynyń buzylýyna baılanysty «Ekaterınbýrg-Almaty» avtojolynyń 1291-1353 shaqyrym aralyǵynda (Jibek Joly tólamqy alý pýnktinen Qaraǵandy oblysynyń shekarasyna deıin) kóliktiń barlyq túriniń qozǵalysyna shekteý qoıylady. Joldardy 2024 jylǵy 22 qarasha saǵat 08:00–de ashý josparlanǵan, — delingen habarlamada.