Aýa raıyna baılanysty Jambyl jáne Abaı oblystarynda jol jabyldy
ASTANA. KAZINFORM – QazAvtoJol aýa raıyna baılanysty eki oblysta kólik qozǵalysy shektelgenin habarlady.
Jambyl oblysy:
2025 jylǵy 31 qańtar saǵat 17:00-de aýa raıynyń buzylýyna baılanysty «RF shek. (Jaısan ó\p) – Mártók – Aqtóbe (soltústik aınalma jolymen) – Qarabutaq – Qyzylorda – Shymkent (soltústik aınalma jolymen) – Taraz (aınalma jolymen) – Qordaı – Almaty – Qorǵas – QHR shek. (Nur Joly ó/p)» avtojolynyń 143-214 shaqyrym aralyǵyndaǵy ýchaskesinde (Almaty oblysynyń shekarasynan Qordaı aýylyna deıin) kóliktiń barlyq túriniń qozǵalysyna shekteý qoıyldy.
Joldy 1 aqpan saǵat 10:00-de ashý josparlanǵan.
Abaı oblysy:
2025 jylǵy 31 qańtar saǵat 18:00-de aýa raıynyń buzylýyna baılanysty «Qaraǵandy - Aıagóz - Tarbaǵataı – Boǵas» avtojolynyń 383-900 shaqyrym aralyǵyndaǵy ýchaskesinde (Qaınar aýylynan Sátbaev qalasyna deıin) kóliktiń barlyq túriniń qozǵalysyna shekteý qoıyldy.
Joldy 1 aqpan saǵat 10:00-de ashý josparlanǵan.
Jetisý oblysynda aýa raıyna baılanysty birneshe jolǵa shekteý qoıylǵanyn jazǵan bolatynbyz.