Aýa raıyna baılanysty úsh oblysta jol jabyldy

ASTANA. KAZINFORM – QazAvtoJol úsh oblysta kólik qozǵalysyna shekteý qoıylǵanyn habarlady. 

Aqmola oblysy

5 aqpan saǵat 10:00-de aýa raıynyń buzylýyna baılanysty respýblıkalyq mańyzy bar «Astana — Atbasar — Jaqsy — Rýzaevka — Sarykól — Qostanaı — RF shekarasy» avtojolynyń 16-347 shaqyrym aralyǵyndaǵy ýchaskesinde (Astana qalasy — Jaqsy aýyly) barlyq kólik túrleriniń qozǵalysyna ýaqytsha shekteý qoıyldy. 

Ulytaý oblysy

5 aqpan saǵat 10:30-da aýa raıynyń nasharlaýyna baılanysty respýblıkalyq mańyzy bar «Jezqazǵan – Arqalyq – Petropavl» avtojolynyń 24-137 shaqyrym aralyǵynda (Sátpaev qalasy – Ulytaý kenti) barlyq kólik túriniń qozǵalysyna ýaqytsha shekteý qoıyldy.

Eki oblysta joldy búgin saǵat 15:00-de ashý josparlanǵan.

Soltústik Qazaqstan oblysy

5 aqpan saǵat 11:30-da aýa raıynyń nasharlaýyna baılanysty respýblıkalyq mańyzy bar «Kókshetaý – Kishkenekól – Bıdaıyq – RF shek. (Bıdaıyq ó/p)» avtojolynyń 85-280 shaqyrym aralyǵynda (Chkalov aýyly – Bıdaıyq aýyly) barlyq kólik túrleriniń qozǵalysyna shekteý qoıylady. 

Joldy 6 aqpan saǵat 09:00-de ashý josparlanǵan.

Aıta ketelik búgin eldegi qaı joldar ashyq, qaısysy jabyq ekenin jazǵan edik.